भिवतास धबधबा: नाशिक जिल्ह्यातील एक नयनरम्य ठिकाण | निसर्ग प्रेमींसाठी स्वर्ग | निसर्गाची अद्भुत भेट | Bhivtas Waterfall

 भिवतास धबधबा: नाशिक जिल्ह्यातील एक नयनरम्य ठिकाण | निसर्ग प्रेमींसाठी स्वर्ग | निसर्गाची अद्भुत भेट | Bhivtas Waterfall Surgana 

पावसाळा सुरू झाला की पर्यटकांना एक चाहूल लागते ते म्हणजे कुठेतरी फिरायला जावे. जर असे तुम्हाला वाटलं असेल तर नक्कीच या पावसाळ्यात तुम्ही सुरगाणा तालुक्यामधील सर्व निसर्ग प्रेमींचे ओढ असलेले एकमेव ठिकाण म्हणजे भिवतास धबधबा. 

महाराष्ट्रामध्ये अनेक सुंदर धबधबे आहेत, पण नाशिक जिल्ह्यातील सुरगाणा तालुक्यात असलेला भिवतास धबधबा हा त्याच्या इतर धबधब्याच्या तुलनेने दिसायला सुंदर आणि रौद्र रूपामुळे निसर्गप्रेमींसाठी एक खास आकर्षक पर्यटन स्थळ बनले आहे. विशेषतः पावसाळ्यात, जेव्हा तो पूर्ण क्षमतेने खाली कोसळतो, तेव्हा त्याचे सौंदर्य डोळ्यांचे टिपणे मनमोहक वाटते.

भिवतास धबधबा कुठे आहे?

भिवतास धबधबा हा नाशिक जिल्ह्यातील सुरगाणा तालुक्यात, खोकरविहीर, केळावण आणि अंबोडा या गावांच्या परिसरातील झऱ्या, नाले यातील पाणी एकत्र येऊन तयार होतो. आणि हा धबधबा सह्याद्रीच्या पर्वतरांगांमध्ये खोल दरीत कोसळतो, ज्यामुळे त्याचे दृश्य अधिक प्रभावी आणि विस्मयकारक वाटते. नाशिक शहरापासून सुमारे ९० ते १०० किलोमीटर अंतरावर हा धबधबा आहे.

भिवतास धबधब्याची वैशिष्ट्ये

भव्य उंची: भिवतास धबधबा सुमारे १,००० फूट उंचीवरून खाली कोसळतो , ज्यामुळे पाण्याचा खूप मोठा प्रवाह खाली कोसळताना एक अद्भुत देखावा तयार होतो. धबधबाच्या उंचीमुळे पाण्याच्या कणांचा धुळीचा फवारा (mist) वातावरणात पसरतो, ज्यामुळे आजूबाजूला एक थंड आणि आल्हाददायक वातावरण निर्माण होते.

पावसाळ्यातील सौंदर्य: पावसाळ्यात (जून ते सप्टेंबर) हा धबधबा त्याच्या पूर्ण क्षमतेने प्रवाहित होतो. यावेळी आजूबाजूचा परिसर हिरवळीने नटलेला असतो, ढगांमुळे धुक्याचे साम्राज्य पसरते आणि पाण्याचा प्रचंड आवाज खूप दूरपर्यंत ऐकू येतो. आणि हे दृश्य खरोखरच अविस्मरणीय असते.

निसर्गरम्यता: भिवतास धबधब्याच्या आजूबाजूला खूप घनदाट जंगल आणि डोंगर आहेत आणि त्यामुळे हे ठिकाण शहरी जीवनातील धावपळीतून शांतता शोधणाऱ्यांसाठी एक उत्तम असे ठिकाण आहे. निसर्गाच्या सान्निध्यात वेळ घालवण्यासाठी हे एक आदर्श ठिकाण आहे.

सेल्फी पॉइंट: भिवतास धबधब्याच्या विहंगम दृश्यामुळे, तो एक लोकप्रिय सेल्फी पॉइंट बनला आहे. पर्यटक येथे येऊन निसर्गाच्या या अप्रतिम कलाकृतीसोबत फोटो काढण्याचा आनंद घेतात.

भिवतास धबधब्याला भेट देण्यासाठी सर्वोत्तम वेळ

सर्व साधारण 15 जून पासून ते सप्टेंबर अखेरपर्यंत हा काळ भिवतास धबधब्याला भेट देण्यासाठी सर्वोत्तम असतो. या काळात पाऊस भरपूर पडतो, त्यामुळे धबधबा पूर्ण वेगाने कोसळतो. याव्यतिरिक्त, पावसाळ्यानंतर लगेच (ऑक्टोबर-नोव्हेंबरमध्ये) देखील तुम्ही भेट देऊ शकता, जेव्हा हिरवळ ताजीतवानी असते आणि पाण्याचा प्रवाह चांगला असतो.

भिवतास धबधब्याला कसे पोहोचाल?

नाशिकहून: नाशिक शहरातून तुम्ही सुरगाणा मार्गे बसने किंवा खाजगी वाहनाने भिवतास धबधबापर्यंत पोहोचू शकता. सुरगाणा तालुक्यातून स्थानिक वाहतुकीचा वापर करून धबधब्याच्या जवळ पोहोचता येते.

सुरगाणा शहरातून: सुरगाणा शहरापासून धबधबा फार दूर नाही. स्थानिक ऑटोरिक्षा किंवा खाजगी वाहनाने तुम्ही सहज पोहोचू शकता.

तुम्ही Bhivtas Waterfall  पर्यंत जाण्यासाठी खालील Road map चा वापर करा.

a. नाशिक (MH) – गोळशी (नाशिक-पेठ मार्गे) - ननाशी - बाऱ्हे - ठाणगांव - केळावण (भिवतास धबधबा ठिकाण)

b. नाशिक ( MH) --  सुरगाणा - पळसन - राक्षभूवन - अंबोडा - केळावण

c. धरमपूर (GJ) – पंगारबारी -विल्सन हिल - गुंदिया - राक्षसभूवन - अंबोडा - केळावण

भिवतासला भेट देताना लक्षात ठेवण्यासारख्या गोष्टी

सुरक्षितता महत्त्वाची: भिवतास धबधबा अतिशय खोल दरीत कोसळत असल्याने आणि पावसाळ्यात परिसर निसरडा होत असल्याने, सुरक्षिततेची विशेष काळजी घ्या. कड्याच्या अगदी जवळ जाऊ नका. प्रशासनाने लावलेल्या सूचना फलकांचे पालन करा.

पाण्याची व्यवस्था: धबधब्याच्या ठिकाणी पिण्याच्या पाण्याची किंवा खाण्यापिण्याची फारशी सोय नसते, त्यामुळे तुम्ही सोबत पाण्याची बाटली आणि काही स्नॅक्स घेऊन जा.

योग्य पादत्राणे: पावसाळ्यात किंवा निसरड्या वाटेवरून चालताना चांगले ग्रिप (grip) असलेले शूज किंवा सँडल्स वापरा.

कचरा करू नका: निसर्गाची स्वच्छता राखणे आपली जबाबदारी आहे. तुम्ही कोणताही कचरा तिथे टाकू नका, तो सोबत घेऊन परत या.

स्थानिक लोकांशी संवाद: स्थानिक लोक सहसा मार्गदर्शनासाठी उपयुक्त ठरू शकतात आणि परिसराची अधिक माहिती देऊ शकतात.

भिवतास धबधबा हे नाशिक जिल्ह्यातील एक छुपे रत्न आहे जे निसर्गसौंदर्य आणि साहसाची आवड असलेल्या प्रत्येकाने एकदा तरी अनुभवायला हवे. पावसाळ्यात त्याचे विहंगम दृश्य 

तुम्हाला नक्कीच मंत्रमुग्ध करेल.

 हा ब्लॉग पोस्ट तुम्हाला कसा वाटला ते आम्हाला नक्कीच कॉमेंट द्वारे कळवा.आणि अधिक माहिती साठी आम्हाला खालील दिलेल्या व्हॉट्सॲप चॅनेल ला जॉइन होऊ शकता.

WhatsApp Channel 

 

Email - collab.mysurgana@gmail.com